यवतमाल जिल्हा प्रतिनिधी रामभाऊ भोयर

यवतमाळ जिल्ह्यातील शिक्षक शिक्षकेतर कर्मचाऱ्यांच्या वाढत्या समस्या, अंतिम प्रदान,जि.पी. एफ पावत्या, मेडीकल बिलाना होणारा विलंब,सोबतच काही शिक्षक शिक्षकेतर कर्मचाऱ्यांच्या वयक्तिक समस्या, शिक्षक शिक्षकेतर कर्मचाऱ्यांचे समायोजन या विषयावर आधारित चर्चा करण्यासाठी विदर्भ माध्यमिक शिक्षक संघाचे नागपूर विभागाचे शिक्षक आमदार तथा विदर्भ माध्यमिक शिक्षक संघाचे प्रांतिक सरकार्यवाह सुधाकरराव अडबाले सर यांच्या सोबत नागपूर येथील कार्यालयात दिनांक 9/4/2026 रोजी विदर्भ माध्यमिक शिक्षक संघाचे यवतमाळ जिल्हा कार्यवाह श्री रामकृष्ण जिवतोडे सर व यवतमाळ जिल्हा उपाध्यक्ष श्री श्रावणसिंग वडते सर यांनी जवळपास एक तास चर्चा केली.त्यावेळी बाबुसिंग नाईक मुकबधीर विद्यालय मोहदा येथील कर्मचारी विकास देवीदास राठोड आणि योगेश पडोळे हे अतिरिक्त झाले असता पुढील शाळा त्यांना रूजू करून न घेत असल्याने त्या विषयी चर्चा करण्यात आली आणि पुढील रूपरेषा लवकरच आखणार असून सोबतच बत्तीस महिन्याचे जवळपास सत्तर लाखाचे अरियस बिलाबद्दल सरांना ताबडतोब काढून देण्यासाठी कार्यालयीन अधिकाऱ्यांशी चर्चा करण्याची विनंती करण्यात आली.त्यावेळी विदर्भ माध्यमिक शिक्षक संघाचे नागपूर विभागाचे शिक्षक आमदार आदरणीय सुधाकरराव अडबाले सर, विदर्भ माध्यमिक शिक्षक संघाचे यवतमाळ जिल्हा कार्यवाह श्री रामकृष्ण जिवतोडे सर विदर्भ माध्यमिक शिक्षक संघाचे यवतमाळ जिल्हा उपाध्यक्ष श्री श्रावणसिंग वडते सर, मुकबधीर विद्यालयाचे कर्मचारी योगेश पडोळे, विकास राठोड यांच्या सह नागपूर विभागाचे पदाधिकारी व कार्यकर्ते उपस्थित होते.