यवतमाळ जिल्हा प्रतिनिधी रामभाऊ भोयर

बारावी बोर्ड परीक्षेत तब्बल 100 टक्के गुण मिळवत महाराष्ट्र राज्यात अव्वल स्थान पटकावणान्या कु. किमया शितल वाटीले हिचा आज महाराष्ट्र राज्याचे मूद व जलसंबाधन मंत्री तथा यवतमाळ जिल्ह्याचे पालकमंत्री नामदार संजय भाऊ राठोड यांच्या हस्ते सत्कार करण्यात आला.यवतमाळ येथे किमया वाटीले यांच्या निवासस्थानी जाऊन नामदार संजय राठोड यांनी तिची भेट घेत अभिनंदन केले. यावेळी किमयाच्या या अभूतपूर्व यशाबद्दल तिच्या कुटुंबियांचेही कौतुक करण्यात आले. तसेच किमयाला पुढील शैक्षणिक वाटचालीसाठी शुभेच्छा देण्यात आल्या.या प्रसंगी मा. बाळासाहेब दोलतकर, श्री. सचिन महल्ले, श्री. सचिन माहुरे, प्रा. राजेश खोडे, प्रा. संजय हजारे, प्राचार्य डॉ. विजय भांबे, प्रा. अनिरुद्ध शेंडे, डॉ. सुमित राऊत, फाळके सर आदी मान्यवर उपस्थित होते.किमयाच्या यशामुळे यवतमाळ जिल्ह्याच्या शैक्षणिक क्षेत्रात अभिमानाचे वातावरण निर्माण झांले असून सर्व स्तरातून तिच्यावर शुभेच्छांचा वर्षाव होत आहे