संग्रहित फोटो
यवतमाळ जिल्हा प्रतिनिधी रामभाऊ भोयर
शहरात रस्त्यावरील पार्किंगची समस्या भेडसावत आहे मिळेल त्या जागी आणि मिळेल तिथे वाहनाचे पार्किंग होवू लागले रस्त्यावरच दुर्तफा वाहनाचे पार्किंग होत असल्याने अनेक समस्या निर्माण होत आहे या समस्येकडे पोलीस प्रशासन सोयीस्कर दुर्लक्ष करत असल्याचा आरोप नागरिकांमधून होत आहे त्यामुळे
शहरातील वाहतुकीचे तीनतेरा
वाजल्याचे चित्र दिसून येत आहे. वाहतुकीचे नियम सर्रास मोडले जात असून, अनेक वाहनचालक वाटेल तिथे वाहने उभी करून इतरांसाठी अडथळा निर्माण करत आहेत. राळेगाव शहरातील बाजारपेठ, प्रमुख रस्ते आणि मुख्य चौकांमध्ये हा प्रकार वारंवार घडताना पाहायला मिळतो. त्यामुळे संभाव्य अपघातांचे प्रमाण वाढण्याची शक्यता असून, वाहतूक पोलिसांनी याकडे तातडीने लक्ष देण्याची गरज आहे.
राळेगाव शहरात दिवसेंदिवस वाहनाच्या संकेत मोठ्या प्रमाणात भर पडत आहे शहरात प्रशासकीय कामकाज तसेच आरोग्य सेवांसाठी दररोज हजारो नागरिक येथे ये-जा करतात. त्यामुळे शहर दिवसभर आणि विशेषतः
सायंकाळी प्रचंड गजबजलेले असते. शहरात रावेरी पॉईंट, तहसील कार्यालय,यवतमाळ पॉईंट ते बसस्थानक,बसस्थानक ते क्रांतीचौक आदी विविध मार्गावर दिवसभर वाहनांची वर्दळ असते, तर बाजारपेठेतील गर्दीही कमालीची वाढलेली असते. यामुळे शहरातील वाहतूक व्यवस्थेचा सुरळीत असणे अत्यावश्यक आहे. मात्र, अनेक वाहनचालक मुख्य रस्त्यांवर आणि चौकांत अनियमितपणे वाहने उभी करत असल्याने वाहतुकीची मोठी कोंडी निर्माण होते. त्यामुळे पादचाऱ्यांसह वाहनचालकांनाही मोठ्या त्रासाला सामोरे जावे लागते. या वाढत्या समस्येची गांभीर्याने दखल घेऊन वाहतूक पोलिसांनी योग्य उपाययोजना कराव्यात, अशी मागणी शहरातील नागरिकांनी केली आहे.
शहरात वाहनतळांचाही अभाव !
विविध चौकांत वाहनतळाची सुविधा असणे आवश्यक आहे. तथापि, या सुविधेचा मुख्य चौकांत अभाव आहे. स्थानिक प्रशासनाने याची दखल घेऊन वाहनतळ सुविधा उपलब्ध करणे आवश्यक आहे.
जीव मुठीत घेऊन पादचाऱ्यांचे मार्गक्रमण
शहरातील बसस्थानक, क्रांतीचौक,बसस्थानक ते यवतमाळ पॉईंट,रावेरी पॉईंट ते तहसील कार्यालय तसेच तहसील कार्यालय ते मेटीखेडा पॉईंट मुख्य मार्गाने वाहने अगदी रस्त्यावर उभी केली जातात. त्यामुळे पादचाऱ्यांची मोठी कोंडी होते. त्यांना येणारी-जाणारी वाहने पाहत जीव मुठीत घेऊन वाट काढावी लागते. यातून अनेकदा वाद घडतातच शिवाय एखादवेळी अपघातही घडण्याची शक्यता नाकारता येत नाही.
