यवतमाळ जिल्हा प्रतिनिधी रामभाऊ भोयर

यवतमाळ वाशिम चे खासदार संजय देशमुख यांच्या वाढदिवसानिमित्त व त्यांच्याच पुढाकारात गटविकास अधिकारी केशव पवार, भारती मिसाळ, शिवसेनेचे तालुका प्रमुख विजय पाटील, राळेगाव विधानसभा संघटक डीबी मेश्राम, डॉक्टर संजय पवार, गजानन नाचपेलवार, महिला आघाडीच्या शहर प्रमुख पार्वता मुखरे, प्रगती कावळे इत्यादींच्या प्रमुख उपस्थितीत पंचायत समिती राळेगाव च्या सभागृहात या शिबिरात राळेगाव शहरातील व तालुक्यातील जवळपास 40 दिव्यांग जणांना कार्यक्रम स्थळीच कृत्रिम हातपाय अवयव संजय जाधव यांच्या टीम कडून बसविण्यात आले.

महिना भरापूर्वी खासदार संजय देशमुख यांच्या पुढाकारातच ज्येष्ठ नागरिक दिव्यांग बंधूंना त्यांच्या उपयोगी वस्तूंचे मोफत वाटप करण्यात आले होते. दिवसभर चाललेल्या या शिबिरात राष्ट्रसंत तुकडोजी महाराज व कर्मयोगी गाडगेबाबा यांच्या फोटोला हार अर्पण करून या शिबिराला सुरुवात करण्यात आली होती. या शिबिराला दिव्यांग बंधू-भगिनींचा व पालकांचा उत्स्फूर्त प्रतिसाद लाभला. कृत्रिम अवयव हात पाय बसविल्यानंतर दिव्यांग जणांनी समाधान व्यक्त केले. पंचायत समिती राळेगाव अधिकारी वर्गासोबत शिवसेनेचे उद्धव बाळासाहेब ठाकरे शहर प्रमुख शंकर गायधने, उपशहर प्रमुख योगेश मलोंढे, श्रीकांत कोदाणे, सुनील क्षिरसागर,उप तालुका प्रमुख अमोल राऊत, हेमंत वाभिटकर खडकी, तालुका संघटक प्रशांत वा-हेकर, अखिल निखाडे, करंजी रसिकाश्रय संस्थेच्या लीला पेंदोर, वैभव दुधे,सुधाकर शिखरे,देवराव नाखले, धानोरा विभाग प्रमुख प्रणय मुडे, धनराज श्रीरामे, महादेव मुखरे, अनिल माळोदे, कार्यक्रम यशस्वी करण्यासाठी इत्यादींनी परिश्रम घेतले.