यवतमाळ जिल्हा प्रतिनिधी रामभाऊ भोयर
महाराष्ट्र शासनाच्या महसूल व वन विभागाने प्रस्तावित केलेला ‘महाराष्ट्र देवस्थान इनाम निर्मूलन प्रारूप अधिनियम, २०२६’ हा राज्यातील हजारो हिंदू देवस्थानांच्या जमिनी हिरावून घेणारा आणि त्यांचे अस्तित्व धोक्यात आणणारा आहे. सरकार येत्या पावसाळी अधिवेशनात हा कायदा करण्याच्या तयारीत असल्यामुळे, या अन्यायी कायद्याविरोधात महाराष्ट्र मंदिर महासंघ तसेच यवतमाळ शहरासह् जिल्ह्यातील विविध मंदिर विश्वस्तांनी देवस्थानच्या हिताचे रक्षण व्हावे, धार्मिक स्वातंत्र्य, मंदिराची आर्थिक स्वायतत्ता अबाधित राहावी,यासाठी २६ मे रोजी मा. तहसिलदार साहेब श्री अमितजी भोईटे यांच्या मार्फत मा. राज्यपाल, मुख्यमंत्री, उपमुख्यमंत्री,महसूलमंत्री यांना निवेदन पाठवण्यात आले. या निवेदनाद्वारे शासनाने प्रस्तावित केलेला “देवस्थान इनाम जमीन निर्मूलन कायदा २०२६” तात्काळ रद्द करण्यात यावा, अशी मागणी करण्यात आली आहे.
मंदिर विश्वस्तांच्या मते, या कायद्यामुळे मंदिरांचे पारंपरिक अधिकार हिरावून घेतले जाण्याची शक्यता असून मंदिरांच्या आर्थिक स्रोतांवरही गंभीर परिणाम होऊ शकतो. त्यामुळे अनेक मंदिरांच्या व्यवस्थापनावर विपरीत परिणाम होण्याची भीती व्यक्त करण्यात आली आहे. मंदिरांच्या जमिनी व त्यावरील अधिकार कायम ठेवण्यात यावेत, तसेच धार्मिक संस्थांच्या स्वायत्ततेचे संरक्षण करण्यात यावे, अशी मागणीही निवेदनात करण्यात आली आहे.
यावेळी मंदिर विश्वस्तांनी शासनाने संबंधित कायद्याचा पुनर्विचार करून तो रद्द करावा, अशी मागणी शासनाकडे यांच्याकडे केली. तसेच राज्यातील सर्व मंदिरांच्या हितासाठी शासनाने सकारात्मक भूमिका घ्यावी, अशी अपेक्षाही व्यक्त करण्यात आली. यावेळी तालुक्यातील बऱ्याच मंदिरानी हा कायदा रद्द करण्यासाठी निवेदन दिले.
यावेळी निवेदन देतांना महाराष्ट्र मंदिर महासंघाचे राळेगांव तालुका संयोजक श्री.डॉ. अनिल वर्मा, श्रीरामचन्द्र देवस्थान राळेगांवचे सचीव मेघध्यामजी चांदे , रघुनाथ स्वामी देवस्थान वरूडचे गजानन कुळकर्णी,मंदारजी देशमुख , लखमाई माता देवस्थान जळका चे सुरेश गहरवाल, शंकर साईसे, गणेश मांडवकर, हनूमान मंदिर श्री क्षेत्र रावेरी तर्फे संदिप तेलंगे,श्रीराम मंदिर वाढोना चे भास्करराव माणकर , श्रीराम मंदिर सांवगीचे चन्द्रशेखरजी दुमणे , राहुल दुमणे, गजानन महाराज मंदिर राळेगांवचे दिलीप दुगधीकर , सुरेशराव पाटिल, प्रसाद पाल , हनुमंत रामगडे उपस्थित होते.
